Scienco

ALBANIO

Plej malnova loĝloko en Eŭropo malkovriĝis

En la lastaj kvar jaroj, arkeologoj albanaj (Akademio pri Albanologiaj Studoj/ASA) kaj svisaj (universitato de Berno) entreprenis esplorojn en la ĉirkaŭaĵoj de la turisma vilaĝo Lin en Albanio, ĉe la bordo de la lago Ohrid. Analizante la elfositaĵojn, oni konkludis, ke en la apuda vilaĝeto Buqezё, en areo de 35 000 kvadrataj metroj, ne malproksime de Lin, iam loĝadis homoj, kiuj unuafoje antaŭ 8000–9000 jaroj, praktikis agrikulturon. Tiu ago nur poste disvastiĝis de tie al la itala duoninsulo (Apeninoj) kaj al cetera Eŭropo.

Antaŭ jarcento, en la pac-konferenco en Parizo, la ĉefo de la albana delegacio, pastro Gjergj Fishta (poeto kaj publicisto), deklaris al la reprezentantoj de la grandpotencoj „Diru al mi, kiu kondukis la unuajn bovojn por plugi en Eŭropo”, tiel subkomprenante, ke tion faris trako-iliroj, nome la antaŭuloj de la nunaj albanoj. La verecon de tiu deklaro konfirmas ankaŭ la lasta malkovro fare de la alban-svisa teamo de arkeologoj.

La cetero de la artikolo estas konsultebla en la sekcio por abonantoj.