Historio
ESEO
Ŝtataneco sen ŝtato
En Japanio loĝas pli ol 800 000 etnaj koreoj, el kiuj preskaŭ duono havas japanan ŝtatanecon. La plimulto de la ceteraj havas tiun de Sud-Koreio, se oni nombras 412 340 laŭ statistiko en junio 2022. Sed 25 871 koreoj tenas ŝtatanecon de Joseon, ŝtato, kiu ne plu ekzistas. Joseon estis la nomo de Koreio antaŭ la japana okupacio.
Historia fono
En 1910 Japanio aneksis Koreion, kio sekvigis, ke ĉiuj koreoj ricevis japanan ŝtatanecon. Koreoj diverskaŭze ekloĝis en Japanio, kaj inter ili estis junuloj, kiuj studentiĝis en altgradaj lernejoj, kaj agrikulturistoj, kiuj, perdinte siajn kampojn pro la koloniisma terkultura politiko, serĉis alternativan laboron. Cetere dum la Pacifika Milito inter 1941 kaj 1945 sennombraj koreoj estis perfortitaj al trudlaboro en fabrikoj kaj minejoj. La nombro de koreoj en Japanio atingis du milionojn fine de la milito.
La cetero de la artikolo estas konsultebla en la sekcio por abonantoj.
CHO Sung Ho estas emerita profesoro pri biologio kaj aktivis en la movado interalie kiel ĉefredaktoro de la gazeto La Espero el Koreio kaj kiel vicprezidanto de Korea Esperanto-Asocio.
|
Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton:
Artikolo de Cho Sung Ho el MONATO (www.monato.be). Lasta adapto de tiu ĉi paĝo: 2023-03-01 |