Leteroj

Eklezioj kaj diktatoroj

Alberto García Fumero starigas la demandon, al kia dio preĝas Kiril (MONATO 12/23, p. 23). Efektive la demando estas, kial Kirilo subtenas la rusan fidiktatoron. Al tio oni povas facile respondi. Eklezioj kaj diktatoroj havas la saman celon. Ambaŭ volas kontroli, regi kaj ekspluati homojn limigante ilian liberecon. Tial dekstraj diktatoroj kaj eklezioj ĉiam kunekzistis/-as en ambaŭflanke avantaĝa simbiozo. Kiel bona ekzemplo sufiĉas mencii la iaman faŝisman Hispanion. Tie estis interalie divorco malpermesata, kaj la katolika eklezio posedis monopolon pri instruado. Katolikismo kaj faŝismo tie bonege kunvivadis. Simile estis en militistaj diktaturoj en suda Ameriko, kaj ne alie estas en la novfaŝisma rusa imperio. Pri islamaj fiteokratioj pli bone tute ne paroli.