Moderna vivo

MANĜAĴOJ

Japchae: ĉu pastaĵo, aŭ ne?

Pastaĵoj troveblas en diversaj formoj tra la mondo de longa tempo. Ankaŭ en Koreio pastaĵoj el faruno ekzistis jam en la dinastio Goryeo (918–1392), kaj ĝi estis tiom multekosta manĝaĵo, ke ĝi nomiĝis janchi-guksu (festo-pastaĵo). Meze de la 17a jarcento la vere unika frandaĵo nomata japchae estis kreita kiel reĝa manĝaĵo kaj evoluis al formo simila al nudelo.

Origino

En la dinastio Joseon (1392–1897) la 15a reĝo Gŭanghaegun (1608–1623) verŝajne avidis gustumi ion pli bongustan ol tio, kion li jam manĝis antaŭe. Rimarkinte tion, iu kortegano mem kuiris kaj prezentis tute novan manĝaĵon faritan el pli ol 20 vegetaĵoj: kukumo, kukurbo, napo, diversaj fungoj, spinaco, melongeno k.a. Feliĉe, por la reĝo la manĝaĵo estis tiel bongusta, ke li plialtigis la postenon de la kortegano. La reĝo nomis ĝin japchae, ĉar la manĝaĵo estis kuirita mikse (jap) el diversaj vegetaĵoj (chae), kaj preskaŭ ĉiutage ĝuis ĝin.

La cetero de la artikolo estas konsultebla en la sekcio por abonantoj.