PolitikoOPINIOLa nederlanda registaro malkoherasPost la balotoj por la parlamento en 2023, per kiuj la popolisma PVV (Partio por la Libero) fariĝis la plej granda partio, dum longa periodo oni provis konstrui novan registaron. Kutime la ĉefministro venas el la plej granda partio, sed tion ne akceptis la aliaj dekstraj partioj, kiuj pretis eniri koalicion kun ĝi. Tiuj partioj estas: NSC (Nova Socia Kontrakto), BBB (Movado de Agrikulturistoj kaj Civitanoj) kaj VVD (la tradicia dekstra liberala partio). La novaj partioj NSC kaj BBB fakte ekkreskis ĉirkaŭ personoj, nome Pieter Omtzigt kaj Caroline van der Plas, samkiel PVV estas partio ĉirkaŭ unu persono: Geert Wilders. Post longaj interparoloj kaj lanĉado de ideoj pri eksterparlamenta kabineto (por „nova administracia/politika kulturo”, kion proponis NSC) estiĝis kabineto sub Dick Schoof, kiu antaŭe estis ministreja ĉefoficisto. Oni unue petis diversajn aliajn figurojn fariĝi ĉefministro, sed tiuj rifuzis aŭ estis forte kritikataj pro duboj pri integreco aŭ eblaj konfliktoj de interesoj. La cetero de la artikolo estas konsultebla en la sekcio por abonantoj. Bert DE WIT
Nederlando
Bert DE WIT estas biologo, kiu laboris en ŝtataj konsilantaroj pri la esplorado de problemoj pri spacordigo, medio- kaj natur-protektado en Nederlando.
|
