Nekutiman telefonvokon ricevis la antverpena alarmnumero 101: „Helpu nin! Oni enŝlosis nin en fridkamiono!” La demandon, kie la kamiono estas, aŭ eĉ kiel ĝi aspektas, la rifuĝintoj ne povis respondi. La telefonisto havis, kiel poste montriĝis, brilan ideon. Li petis, ke ĉiuj trafikpaneloj de Flandrio portu la jenan mesaĝon; „Fridkamionoj haltu, kaj kontrolu vian kargon”. Duonhoron poste la enŝlositaj rifuĝintoj povis esti liberigitaj kaj transportitaj al alia, sed tamen pli varma, kaptitejo.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de pp el MONATO (www.monato.be).

Lasta adapto de tiu ĉi paĝo: 2020-07-07