Gravajn problemojn kaŭzas sovaĝaj ursoj en la Tatra Nacia Parko en Slovakio. La ursoj detruas rubujojn kaj ĝardenojn, serĉante manĝaĵon en urbaj kaj vilaĝaj kvartaloj.

La urbestro de Vysoké Tatry (Altaj Tatroj), montara regiono en Karpatoj, eĉ deklaris krizostaton pro la granda nombro de ursoj. Zoologoj kredas, ke vivas en Slovakio proksimume 1250 ursoj en la malgranda spaco de la nacia parko.

Julius HAUSER

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Julius Hauser el MONATO (www.monato.be).

Lasta adapto de tiu ĉi paĝo: 2020-07-07