MONATO
Por skribi al ni
Serĉi en MONATO

Politiko

KOMUNISMO

Memore al la viktimoj

En la albana ĉefurbo Tirano okazis en novembro memoriga kunveno dediĉita al viktimoj de komunistoj.

Pereis antaŭ 65 jaroj en 1944, dum la liberigo de Tirano, 37 homoj, i.a. intelektuloj, juristoj kaj ĵurnalistoj. Komunistoj ilin arestis kaj mortpafis ekster iliaj hejmoj en parto de la urbo jam liberigita de partizanoj. Senkulpaj, ili ne rezistis al la komunistoj. La teruraĵo anticipis la forkapton de la ŝtatpotenco fare de la komunistoj kelkajn tagojn poste.

Komunismo ankoraŭ aktualas en Albanio pro nostalgiaĵoj, eldonaĵoj kaj elsendoj. Ĝin flegas ekspartianoj aŭ iliaj gefiloj jam ekonomie fortiĝintaj kaj enirintaj en diversajn politikajn partiojn kaj aliajn instituciojn.

Bardhyl SELIMI

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el MONATO (www.monato.be).

Lasta adapto de tiu ĉi paĝo: 2020-07-07