MONATO
Por skribi al ni
Serĉi en MONATO

Ekonomio

BELGIO

Ŝparemaj belgoj

En la unua jarduono de 2009 la monkvanto en ŝpardeponoj de Belgio nekutime kreskis je 11 %. Fine de junio la tuta kvanto atingis 172,5 miliardojn da eŭroj, absolutan rekordon por Belgio.

Ŝpari pli grandan parton de siaj enspezoj estas tendenco en la landoj, kiuj uzas eŭron. En la unua kvarono de 2009, en tiu zono oni ŝparis 15,6 % de la enspezoj, sed en Belgio eĉ 15,8 %. Tio estas kresko je 1,8 % por la eŭroregiono kaj 2,7 % por Belgio kompare al la unua jarkvarono de 2008.

El la statistikoj de Eŭropa Unio (Eurostat) videblas, ke Belgio plej kontrastas kun Britio, kie oni nuntempe elspezas proksimume ĉion, kion oni perlaboris.

Ivo DURWAEL

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Ivo Durwael el MONATO (www.monato.be).

Lasta adapto de tiu ĉi paĝo: 2019-04-17