MONATO
Por skribi al ni
Serĉi en MONATO

Moderna vivo

LINGVOJ

Diktado-verdikto

Litovoj, kiel pluraj aliaj popoloj en la mondo, decidis pruvi, ke ankaŭ ili amas sian gepatran lingvon. Por realigi tiun ideon ili organizis amase nacian diktadon. Ĉi januaron okazis jam la kvaran fojon la evento.

Teksto, speciale kreita, estis legata iun sabaton je la 11a horo en la unua programo de la landaj radio kaj televido kaj ankaŭ en Interreto. La diktaĵon skribis pli ol 5000 entuziasmuloj en ĉiuj regionoj de Litovio kaj ankaŭ en 28 aliaj landoj.

Testi siajn lingvokonojn povis ĉiu, kiu volis, inkluzive de lernantoj, sed escepte de spertuloj pri la lingvo (instruistoj, lingvistoj). Tiuj, kiuj faris maksimume unu eraron, pasis al la dua etapo. Fine ricevos premion la plej granda spertulo.

LAST

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de LAST el Monato (www.monato.be).
Lasta adapto de tiu ĉi paĝo: 2019-04-17