MONATO
Por skribi al ni
Serĉi en MONATO

Leteroj

Ĉu osetoj ne rajtas sian Kosovon?

Kial albanoj kosovaj rajtas deklari sian landon sendependa, sed osetoj ne? Osetoj estas popolo loĝanta en Kaŭkazo. Ilia lingvo apartenas al la irana lingva familio. En la 12a kaj 13a jarcentoj la alanoj, la praavoj de nunaj osetoj, kreis sian ŝtaton, kiun ruinigis mongoloj, kaj poste la ŝtato ne renaskiĝis. En la 20a jarcento osetoj iĝis dividita popolo: norda Osetio en Rusia Federacio, suda Osetio en Kartvelio. Ĝis la 80aj jaroj de la 20a jarcento osetoj en suda Osetio povis parte efektivigi sian rajton je nacia memdifino. Sed en 1989 komenciĝis kartvela-oseta konflikto: la osetoj postulis firmigon de sia aŭtonomio, sed la kartveloj male klopodis ĝin nuligi. Rezulte de la militaj agoj en la jaroj 1990-1992 pereis centoj da loĝantoj kaj dekoj da miloj da kartvelaj kaj osetaj rifuĝintoj perdis sian hejmon. Al la jaro 1999 la ŝtata statuso de Osetio restis disputebla. La osetoj en Rusio havas sian ŝtaton, la respublikon Norda Osetio-Alanio.

Miĥail Saakaŝvili, la prezidanto de Kartvelio, faris krimon, eĉ kelkajn. Li subigis Aĝarion, li militas kun Abĥazio, li detruigis la urbon Cĥinval. Li fakte estas peono de Usono.

Sergeo JURJIĈ
Rusio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Sergeo Jurjiĉ el Monato (www.monato.be).
Lasta adapto de tiu ĉi paĝo: 2019-04-17