MONATO
Por skribi al ni
Serĉi en MONATO

Ekonomio

AŬSTRIO

Rekorda inflacio

En oktobro 2007 la inflacio en Aŭstrio atingis rekordan kreskon de 2,8 % en unu jaro. Tio estas konsiderinde pli ol la postulo de EU: maksimume 2 %.

Pri la alta cifero ĉefe kulpas la prezaltiĝoj de legomoj kaj energio. Elektra kurento kostas nun 9 % pli.

Tio signifas, ke dungitoj reale perdos monon pro la inflacio kaj la plialtiĝantaj impostoj. Kiel jaran plialtigon de la salajroj la sindikato kutime postulas procentaĵon, kiu korespondas al la inflacio plus parto de la ekonomia kresko. Tio estus 4,5 %. Fakte dungitoj ricevos nur je inter 3 kaj 4 % pli da salajro kaj pensiuloj eĉ nur je inter 1,7 kaj 2,9 % pli.

Walter KLAG

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Walter Klag el Monato (www.monato.be).
Lasta adapto de tiu ĉi paĝo: 2019-04-17