MONATO
Por skribi al ni
Serĉi en MONATO

Moderna vivo

Medicina turismo

Pli kaj pli venas eksterlandanoj kuracocele al Litovio. Aparte furoras ĉe privataj klinikoj dentaj kaj plastiaj operacioj: en Litovio la kosto estas ĝenerale nur triono de tiu en Usono, Skandinavio aŭ Britio, de kie venas plejparte la pacientoj.

Fojfoje operaciotoj komunikiĝas retpoŝte kun kliniko, sendante ekzemple panoramajn radiografaĵojn kaj aliajn medicinajn informojn al la kirurgo kaj tiam interkonsentante pri la dato de la operacio. Pro favoraj flugeblecoj al Litovio la kuracistoj atendas, ke plu kreskos tiu ĉi medicina turismo.

LAST/pg

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de last/pg el Monato (www.monato.be).

Lasta adapto de tiu ĉi paĝo: 2019-04-17