Ŝerco kaj satiro

Japanaj ŝercoj

80-jarulo, petite, rakontis pri mizeraj spertoj dum la dua mondmilito al infanoj. „Dum la milito ni estis malsataj, ĉar ni ne havis manĝaĵojn”, li diris. Demandis infano: „Kial vi ne iris al superbazaro por aĉeti?”

Edzino demandis al sia edzo, kiu insistas, ke edzo ne eniru la kuirejon: „Kion vi manĝos, kiam mi estos malsana?” „Ne gravas, mi manĝos ekstere”, li respondis. La edzino: „Ne, ne! Mi demandas, kiu donos manĝaĵon al mi?” La edzo: „Ne gravas. Malsanuloj ne havas apetiton.”

Gasto en restoracio plendas: „Ve, via dikfingro estas en la supo!” Replikas la kelnerino: „Ne gravas, la supo ne estas varmega.”