Ekonomio

Eŭro

Laŭ raporto de la Komisiono de Eŭropa Unio, en 1999 en la tuta eŭroregiono nur 0,4 % de la personaj bankkontoj estis transformitaj al eŭrokontoj. Tamen 0,8 % de la rilataj pagoj okazis per eŭroj. La uzado de la eŭro varias laŭ la landoj. Ekzemple la nombroj en Belgio estas la duoblo de la eŭropa mezumo. Pli-malpli 30 % de la kompanioj jam indikas ĉiujn prezojn en eŭroj, kaj iom pli da ili jam fakturas en ili. Sekve de tiu malalta uzado, la EU-Komisiono decidis komence de 2000 instigi siajn membro-ŝtatojn informadi pri la nova valuto.