MONATO
Por skribi al ni
Serĉi en MONATO

Ekonomio

ITALIO

Finfine malriĉeco malpliiĝas

En Italio dum 2018 notinde malaltiĝis la nombro de malriĉaj personoj. Ĉu eble la krizo finiĝas?

Laŭ pluraj statistikoj publikigitaj de la eŭropa statistika oficejo Eurostat, la nombro de italaj civitanoj, kiuj spertis pasintjare gravan materialan mankon, estis 5 035 000. Unuavide tio estas alta nombro, sed fakte pli ol miliono malpli ol la 6,1 milionoj registritaj dum 2017. La personoj, kiuj devis alfronti signifoplenan malhavon, estis sume en la pasinta jaro 8,4 % de la tuta loĝantaro, kontraŭ 10,1 % en la jaro 2017. Do estas rimarkinda malkresko.

Per „grava materiala manko” oni aludas la malfacilon alfronti minimume 4 el 10 „normalaj” elspezoj. Inter ĉi-lastaj oni menciu la repagadon de prunto, la eblon hejti sian hejmon, la akiradon de viando kaj la posedon/tenadon de unu aŭtomobilo.

Cristina CASELLA
korespondanto de MONATO en Italio

Tiu ĉi teksto aperis en la presita kaj en la PDF-forma versioj de Monato en la jarkolekto 2019, numero 07, p. 17.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Cristina Casella el MONATO (www.monato.be).

Lasta adapto de tiu ĉi paĝo: 2020-07-07