MONATO
Por skribi al ni
Serĉi en MONATO

Aktuale

Nova redaktoro

La legantoj de MONATO sendube memoras, ke antaŭ kelkaj monatoj pro sanproblemoj Gerrit Berveling demisiis kiel redaktoro de la rubriko „Spirita vivo”. Ni nun povas anonci, ke ni havas por li posteulon: Alberto García Fumero. Eble Alberto estas konata al multaj el vi. Antaŭ deko da jaroj li kontribuis per pluraj noveloj kaj lastatempe ĉefe per sciencaj artikoloj. Li estas licenciulo pri sciencoj de la religioj, finis distancan kurson pri teologio ĉe la kuba instituto pri religiaj sciencoj „Patro Félix Varela” kaj estas regula kunlaboranto de katolika revuo.

Ni deziras al Alberto sukceson pri lia nova tasko kiel redaktoro de la rubriko „Spirita vivo”.

pp

Tiu ĉi teksto aperis en la presita kaj en la PDF-forma versioj de Monato en la jarkolekto 2019, numero 05, p. 5.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de pp el MONATO (www.monato.be).

Lasta adapto de tiu ĉi paĝo: 2020-07-07