MONATO
Serĉi en MONATO

Leteroj

Senpartieca historio

En la januara numero estis artikolo pri protestoj fare de etne grekaj studentoj en Kipro pro la ĝenerale malakceptata turka rego de parto de la insulo (MONATO 2019/01, p. 8). Bedaŭrinde laŭ la artikolo oni povus pensi, ke la tuta kulpo de tiu situacio restas ĉe la etnaj turkoj kaj Turkio. Tamen estas abunda kulpo ambaŭflanke. Ekzemple, la turka invado sekvis seriozan minacon de invado fare de la tiama greka militista registaro, kiu fakte estis faŝista kaj kiu kolapsis pro la turka bato. Mi konsilas al ĉiuj provi legi senpartiecan historion de la ploriga historio de Kipro en la lastaj 70 jaroj.

Bruce SHERWOOD
Usono

Tiu ĉi teksto aperis en la presita kaj en la PDF-forma versioj de Monato en la jarkolekto 2019, numero 03, p. 5.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bruce Sherwood el MONATO (www.monato.be).

Lasta adapto de tiu ĉi paĝo: 2020-07-07