MONATO
Por skribi al ni
Serĉi en MONATO

Moderna vivo

KUBO

Mirinda novaĵo

Kvazaŭ bunta ĉielarko super la kuba ĉefurbo Havano pendis la novaĵo, ke ĝi estas elektita unu el sep tiel nomataj mirindaj urboj de la mondo.

La oficiala ceremonio en Havano okazis en junio 2016, kiam reprezentantoj de la svisa fondaĵo New7Wonders (N7W), kiu aranĝis tutmondan voĉdonadon por trovi sep novajn mirindaĵojn, transdonis atestilon.

Aliaj urboj tiel elektitaj estas Bejruto, Daŭho, Durbano, Kuala-Lumpuro, Lapaco kaj Vigan. Jen la tria fojo, ke N7W okazigis tian elektadon. Koincide, la ceremonio ankaŭ heroldis la 500an datrevenon de la fondo de Havano, kiu okazos en 2019.

Juan Carlos MONTERO MEDINA/pg
korespondanto de MONATO en Kubo

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Juan Carlos Montero Medina/pg el Monato (www.monato.be).
Lasta adapto de tiu ĉi paĝo: 2019-04-17