MONATO
Por skribi al ni
Serĉi en MONATO

Leteroj

Kontraŭ la vera islama kredo

Mi bedaŭras pro la atakoj en kaj ĉirkaŭ Bruselo. Denove teroristoj sovaĝe mortigis iujn senpekulojn. Kvankam ŝajne ili estas islamanoj, fakte ili ne kredas al Islamo. Islamo ne rekomendas al siaj sekvantoj kaj kredantoj murdi senpekulojn. En la sankta libro de la islamanoj troviĝas la jena verso: „Se iu mortigos homon, estu kvazaŭ li estus mortiginta la tutan homaron. Kaj se iu savos la vivon de alia, tiam estu kvazaŭ li estus savinta la vivon de la tuta homaro” (ĉapitro 5, verso 33, laŭ la traduko de Italo Chiusi). Do la teroristoj ne nur ne kredas kore al Islamo, sed, male, ili kontraŭas la verajn islamajn kredojn.

Ali Asghar KOUSARI
Irano

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Ali Asghar Kousari el Monato (www.monato.be).
Lasta adapto de tiu ĉi paĝo: 2019-04-17