MONATO
Serĉi en MONATO

Leteroj

Nacia, ne internacia

En la artikolo Amara kromgusto (MONATO 2013/03, p. 5) Paŭl Peeraerts skribas: „Sed kiam finfine venos tago por funebri pri la milionoj, kiuj pereis en Rusio inter 1929 kaj 1939?” Tiu tago en Rusio delonge ekzistas: neoficiale ekde 1974 (kiam ĝin proponis la disidentoj), kaj tute oficiale ekde 1991, kiam ĝi estis enkondukita per speciala dekreto, kaj nomiĝas „Tago de memoro de la viktimoj de politikaj reprezalioj”. Ĝin oni celebras la 30an de oktobro. La funebra memortago tamen estas nacia, ne internacia. Similaj memortagoj, en aliaj datoj, ekzistas en kelkaj pliaj postsovetiaj landoj kiel Kazaĥio kaj Ukrainio.

Nikolao GUDSKOV
Rusio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Nikolao Gudskov el Monato (www.monato.be).

Lasta adapto de tiu ĉi paĝo: 2020-07-07