MONATO
Por skribi al ni
Serĉi en MONATO

Poezio

Miasmo

Certe, utila estas kapitalo
uzata por la bono de l' homaro
tamen, absinto iĝas ĝi kaj galo
fonto de la indigno kaj amaro
pro ago de la fia avarulo
voranta ĉion en la porkotrogo –
ekspluatanta, sangavida pulo:
bankisto, koruptulo, spekulanto.
Kie? – ne nur la pasintjara neĝo!
Kie justeco? Kie la kompato?:
Ne por povruloj egaleca leĝo
pro supereco de la plutokrato.

Sategon al riĉuloj mono portas
dum niaj povraj fratoj malsatmortas.

Garvan MAKAJ

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Garvan Makaj el Monato (www.monato.be).
Lasta adapto de tiu ĉi paĝo: 2019-04-17