MONATO
Por skribi al ni
Serĉi en MONATO

Poezio

Soneto por M.

Mi amas vin, ĉar vi min amis pli
kiam mi ne konsciis pri la vero
ke amo estas pli ol nostalgi'
pli eĉ ol fideleco kaj sincero.
Dum kvindek jaroj kune estis ni
kaj spertis ke malblinda estas amo
kaj ne imuna kontraŭ malkompreno;
kiel ĝi povus resti, do, la samo?
Ni estas nur maljuna infanaro
Kiu nenion scias pri la celo
de la ekzisto, nek de nia faro
sed iom konis de la bon' kaj belo.

Certe nur estas, amantin' kompata:
mi ne meritis esti tiom amata.

Garvan Makaj

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Garvan Makaj el Monato (www.monato.be).

Lasta adapto de tiu ĉi paĝo: 2020-07-07