MONATO
Por skribi al ni
Serĉi en MONATO

Hobio

AŬSTRIO

Nova Esperanto-poŝtmarko

Aperis nova aŭstra poŝtmarko pri Esperanto-temo en eldonkvanto de 1500 ekzempleroj. Ĝia nominala valoro egalas al tiu de enlanda afranko por ordinara letero aŭ poŝtkarto en Aŭstrio. La poŝtmarko estas dediĉita al la retejo „esperanto.net”, kaj prezentas ties nomon kun ponto, sur kiu staras ses homfiguroj man-en-mane.

La grafikisto de la poŝtmarko estas Christiane Harm, kiu gajnis la internacian grafikan konkurson pri la temo „Aŭstra poŝtmarko esperanto.net kun ponto”. En la konkurso partoprenis 274 grafikaĵoj.

Evgeni GEORGIEV

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Evgeni Georgiev el Monato (www.monato.be).

Lasta adapto de tiu ĉi paĝo: 2020-07-07