MONATO
Por skribi al ni
Serĉi en MONATO

Politiko

KOSOVO

Nova prezidanto

Eksiĝis la prezidanto de Kosovo Fatmir Sejdiu pro tio, ke – kontraŭkonstitucie – li estis ne nur prezidanto, sed ankaŭ la estro de sia partio Ligo Demokratia de Kosovo (LDK).

Reveninte el Unuiĝintaj Nacioj, kiam Serbio rekonis suverenecon de la nova ŝtato Kosovo, Sejdiu diris, ke li respektos la konstitucion kaj eksiĝos kiel prezidanto. Iuj opinias, ke la prezidinto povos tiel koncentriĝi pri sia partio antaŭ venontjaraj naciaj balotoj.

La parlamenta ĉefo Jakup Krasniqi, el la Partio Demokratia de Kosovo (PDK), fariĝos prezidanto, ĝis la parlamento elektos posteulon. Aktuale regas koalicie LDK kaj PDK.

Bardhyl SELIMI/pg

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi/pg el Monato (www.monato.be).
Lasta adapto de tiu ĉi paĝo: 2019-04-17