MONATO
Por skribi al ni
Serĉi en MONATO

Moderna vivo

BALKANO

Inter najbaroj malpli da baroj

Pliboniĝas rilatoj inter Serbio kaj ĝia najbaro Albanio. Ekzemple, en albana universitato – en Skadar – malfermiĝos fako pri la serba lingvo. Fiksita estas tago en februaro por honori en Albanio la serban lingvon.

Antaŭe mankis al serboj kaj montenegranoj en Albanio rajtoj, ekzemple pri lingvo, kredo, lernejoj kaj nomoj. Nova registaro kaj alproksimiĝo de Albanio al Eŭropa Unio nun redonas al serboj kaj montenegranoj tiajn rajtojn. Ekzemple, multaj serboj kaj montenegranoj petas siajn antaŭajn nomojn, malpermesatajn en Albanio ekde 1975. Memorindas, cetere, ke en 1967 Albanio estis deklarita – unue kaj unike en la mondo – ateista lando. Tiam estis detruitaj multaj preĝejoj.

Malgraŭ pli bonaj rilatoj, tamen, restas malsamaj opinioj en la najbaraj landoj pri la sendependeco de Kosovo kaj Metohio.

Dimitrije JANIČIĆ/PG

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Dimitrije Janičić/pg el Monato (www.monato.be).

Lasta adapto de tiu ĉi paĝo: 2020-07-07