MONATO
Por skribi al ni
Serĉi en MONATO

Ekonomio

AFRIKO

Afrika komuna valuto

Ekde 2002 en la plimulto de la landoj de Eŭropa Unio estas uzata komuna valuto: la eŭro. Alia komuna valuto jam delonge funkcias en okcident- kaj centrafrikaj landoj: la afrika franko aŭ CFA-franko.

La CFA-franko estas uzata en eksaj francaj kolonioj kaj kelkaj aliaj afrikaj landoj. Formale ekzistas du valutoj, la okcidentafrika franko kaj la centrafrika aŭ ekvatorafrika franko, sed praktike ambaŭ havas la saman valoron. Unu CFA-franko valoras proksimume 0,0015 eŭrojn.

Ĉar ĝi estas ligita al la eŭro (antaŭe al la franca franko), ĝi havas stabilan kurzon. Ĝin envias loĝantoj de najbaraj landoj kun ĥaosa financa sistemo. Tamen ankaŭ estas kritikantoj. Pro la ligo al eŭropa valuto iuj konsideras ĝin novkoloniisma. Multaj ekonomikistoj opinias, ke ĝia kurzo estas tro alta kaj malfaciligas eksporton.

RR

Vidu ankaŭ eo.wikipedia.org/wiki/Afrika franko.


Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de rr el Monato (www.monato.be).

Lasta adapto de tiu ĉi paĝo: 2020-07-07