MONATO
Por skribi al ni
Serĉi en MONATO

Moderna vivo

FUTBALO

Tegmentoj te-gol-itaj

En Vieno oni malfermis la unuajn surtegmentajn futbal-ludejojn en Eŭropo. Disponeblas en la urba distrikto Hernals kvar tieaj ludejoj sur sinteza herbo. Similaj tegmento-ludejoj ekzistas ĝis nun nur en Miami kaj Tokio, laŭ informoj de la aŭstra gazetara agentejo APA.

Sur la sama tegmento, kie vintre jam de 100 jaroj staras glitkurejo sur artefarita glacio, nun somere oni ludos futbalon. La ludejoj havas areon de 722 m2 kaj estas ĉirkaŭitaj de altaj kaptoretoj. La futbalistoj povas uzi vestejojn, duŝejon kaj piedpilko-ludonejon. Krome estas starigita futbal-lernejo por trejni gejunulojn.

Evgeni GEORGIEV

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Evgeni Georgiev el Monato (www.monato.be).
Lasta adapto de tiu ĉi paĝo: 2019-04-17