MONATO
Por skribi al ni
Serĉi en MONATO

Leteroj

Sukcesa senpaga transporto

Dankon pro la aperigo de la artikolo „Senpaga transporto danke al loĝantarkonsciiĝo” (MONATO 2010/3, p. 18-19). Post unu jaro da funkciado oni konstatas, ke la nombro de vojaĝantoj altiĝis je 71 % (planitaj estis +50 % post du jaroj). Eĉ la lernejanaj aŭtobusoj iĝas pli sukcesaj: +20 %; necesis aĉeti 18 pliajn aŭtobusojn. La publika investo sumiĝas je 1,1 milionoj da eŭroj, al kiuj kontribuis retropago de la entreprenoj. Kalkulita estas nur la publika investo, ne la ŝparo fare de la uzantoj, nek la gajno por la medio.

Renée TRIOLLE
Francio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Renée Triolle el Monato (www.monato.be).

Lasta adapto de tiu ĉi paĝo: 2020-07-07