MONATO
Por skribi al ni
Serĉi en MONATO

Politiko

UKRAINIO

Venkas Viktor

En Ukrainio estas elektita nova prezidanto: Viktor Janukoviĉ, kiu en la fina baloto rikoltis 48,95 % de la voĉoj kontraŭ 45,47 % por la ĉefministro Julija Timoŝenko.

Laŭ eldiroj de Janukoviĉ, la nova prezidanto celas plibonigi la rilatojn inter Ukrainio kaj Rusio kaj aliaj ekssovetiaj landoj. Cetere li intencas iom post iom plibonigi la ekonomian staton de Ukrainio.

Krome li rigardas Ukrainion „ponto inter okcidento kaj oriento”. Tiurilate li intencas renkonti politikistojn el Rusio, Usono kaj Eŭropa Unio por konkretigi laborajn rilatojn.

Dmitrij CIBULEVSKIJ

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Dmitrij Cibulevskij el Monato (www.monato.be).
Lasta adapto de tiu ĉi paĝo: 2019-04-17