MONATO
Por skribi al ni
Serĉi en MONATO

Moderna vivo

SPORTO

Reala ĝeno

Kiam paneis la elektro dum futbalmatĉo inter loka albana teamo kaj la multe pli prestiĝa hispana teamo Real Madrid, komentariistoj taksis la aferon skandala. La ministro pri sporto maldungis la stadionestron, ĉar la misfunkcio lezis la reputacion de Albanio en la sporta mondo.

La paneo de kvar grandaj lumĵetiloj ĉe la ludejo des pli ĝenis, ĉar decidite estas donaci la enspezojn de la matĉo al viktimoj de la inundoj en nord-orienta Albanio.

Tamen multaj atentigis, ke paneoj tiaj okazas ankaŭ en pli evoluintaj landoj. Cetere post 90 minutoj refunkciis la elektro, kio ebligis ludi la duan parton. Kaj la rezulto? Du kontraŭ unu favore al la hispanoj.

Bardhyl SELIMI

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el Monato (www.monato.be).

Lasta adapto de tiu ĉi paĝo: 2020-07-07