MONATO
Por skribi al ni
Serĉi en MONATO

Medio

FRANCIO

Pli kaj pli verda konsciiĝo

Okaze de la elekto al la Eŭropa Parlamento en majo 2009, nur la ĵurnalistoj miris, ke la listo de la ekologiemuloj alvenis triavice, kaj tion ili ŝuldigis al la personeceo de la listestro, Daniel Cohn-Bendit [danjél konbendít], prifajfante la diversajn lokajn provojn de simplaj civitanoj vivi pli kaj pli verde por protekti la planedon. Ili ĵetas la rubaĵojn jam selektitajn (vitro, plastaĵo, papero, metalaj boteloj kolektiĝas aparte, dum homoj pli kaj pli starigas hejman kompoŝtilon, simplan skatolon en la kuirejo) se ne paroli pri baterioj aŭ „monstroj” (matraco, fridujo aŭ kuirilo), kiujn la vendisto devas, laŭleĝe, repreni, kiam oni aĉetas novan. Kampanjoj por redukti energi-konsumadon por hejtado aŭ lumigado malpli sukcesas pro la altaj kostoj de instalado. Pri ekologia veturado, la franca registaro estis surprizita de la granda emo al aĉeto de malpli energivoraj aŭtoj, por kiuj ĝi proponis monhelpon (ĉirkaŭ 1000 eŭroj, do dekono de la prezo) dum ĝi aldonis imposton por aĉeto de pli voraj, pensante ke io kompensos la alian. Sed la francoj malpli aĉetis vorajn ol ili aĉetis malvorajn, tiel ke necesas revizii tiun monhelpon, se entute ĝi pluvivos. Jen du civitanaj iniciatoj pri nutrado kaj transportado.

Renée TRIOLLE

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Renée Triolle el Monato (www.monato.be).

Lasta adapto de tiu ĉi paĝo: 2020-07-07