MONATO
Por skribi al ni
Serĉi en MONATO

Leteroj

Ĉu satanisto povas administri ekleziojn?

Iom harsplitaj kaj nekonsekvencaj estas la konkludoj de la artikolo Ĉu satanisto povas administri ekleziojn? en MONATO 2010/1, paĝoj 7-8. Sendepende de la reala satanismo de la nova direktoro (sinjoro Gulič) de la slovena oficejo pri religioj-eklezioj, estas dirite, ke persono estas satanisto „ne nur per tio, ke li demonstras ĉemize aŭ per formala aparteno al iu komunumo, kultanta Satanon, sed jam per tio, ke li ne estas novnaskita kristano laŭ la normoj, starigitaj de Jesuo Kristo”. Laŭ kristanismo tio veras, sed kiun kriterion posedas Vinko Ošlak por konstati, ĉu tiu novnaskiĝo okazis aŭ okazas? Tiu novnaskiĝo estas io kredata kaj nevidebla; do kiu volas taksi, tiu devas limiĝi je tio, kio aperas ekstere (eble el ĉemizo!), kun la risko, certe, fari eraron. Se tiel, sekve fariĝas iom stranga la aŭtora aserto, ke „apartenus al la sama kategorio” eventuala katolika direktoro de la sama oficejo: ĉu ankaŭ por penetri liajn nevideblaĵojn la aŭtoro posedas apartan – superhoman – kriterion?

Armando ZECCHIN
Italio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Armando Zecchin el Monato (www.monato.be).

Lasta adapto de tiu ĉi paĝo: 2020-07-07