MONATO
Por skribi al ni
Serĉi en MONATO

Moderna vivo

ALBANIO

Rekantaĵo

Kiam oni festis antaŭ nelonge la 20an datrevenon de la falo de la berlina muro, kantis en la albana ĉefurbo Tirano la itala artisto Albano Carissi.

Tamen antaŭ 20 jaroj kantis en Albanio la sama Carissi, invitite de la tiama totalisma reĝimo, kiu volis sin prezenti modera kaj liberala.

La kantisto, intervjuate en la albana televido, memoris sian unuan viziton. Tiam, li diris, li vidis ĉinajn kamionojn, sur kiuj veturis kamparanoj kaj aliaj laborantoj. Li menciis ankaŭ gelernantojn, pale kaj serioze mienantajn, kaj enviciĝintajn kvazaŭ soldatojn, antaŭ ol eniri la klasĉambron. Cetere la silenton de la homoj li memoris, kiam alproksimiĝis fremdulo.

Unu jaron post la unua vizito de Carissi miloj da albanoj fuĝis eksterlanden kaj en decembro 1990 establis sin plurisma politika sistemo.

Bardhyl SELIMI

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el Monato (www.monato.be).

Lasta adapto de tiu ĉi paĝo: 2020-07-07