MONATO
Por skribi al ni
Serĉi en MONATO

Leteroj

Ĉu flandra, ĉu valona?

En la artikolo pri la datreveno de Atomiumo (MONATO 2008/7, p. 13) Lode Van de Velde diras, ke la arkitekto de tiu konstruaĵo estis „André Waterkeyn, flandra inĝeniero (1917-2005), kiu fariĝis en 1954 ekonomia direktoro de la federacio de la flandra metalindustrio, Fabrimetal”.

Ĉu Waterkeyn estis flandro, tion mi ne scias. Lia filino estas franclingva bruselanino. Sed eble ŝi lernis la francan nur de sia patrino? Ni lasu la dubon.

Sed ke tiu sinjoro Waterkeyn neniam laboris por la „federacio de la flandra metalindustrio”, pri tio mi estas tute certa. Fabrimetal estis kaj ankoraŭ estas la federacio de la tutbelga metalindustrio. En 1958 (jaro de Atomiumo) la plej grava subsektoro de tiu industrio estis la fero- kaj ŝtal-industrio, kiu tiam estis tute valona afero. La granda uzino de Sidmar en Zelzate (Flandrio) datiĝas de post 1960.

Martin DECALUWE
Belgio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Martin Decaluwe el Monato (www.monato.be).

Lasta adapto de tiu ĉi paĝo: 2019-04-17