MONATO
Por skribi al ni
Serĉi en MONATO

Leteroj

Ĉu bojkoto? (3)

Estas vero, ke kulpas nur Internacia Olimpika Komitato (IOK), kiu akceptis la decidon aranĝi la Olimpiajn Ludojn en Ĉinio. Ne estas la unua fojo: ĉu prudente agis la membroj de IOK, akceptante la invitojn de Germanio sub Hitler aŭ de Sovetio sub Breĵnev? Ĉu ne estis monde konataj la faktoj, kiuj sendube devus malebligi alvenon de la Olimpikoj en tiujn ŝtatojn?

Sed bojkoti la Ludojn nun, uzante kiel pretekston nur la eventojn en Tibeto, estus horora ofendo por la sportistoj de ĉiuj landoj, kiuj verve preparadis sin dum la pasintaj jaroj, sed nun perdus la ŝancon konkuri.

Miaopinie ĉiuj pledantoj por la homaj rajtoj devas amase ekbojkoti la elekton de IOK tuj post la konfirmo, se la elektita ŝtato ne estimas la Deklaracion de Homaj Rajtoj.

Mikaelo BRONŜTEJN
Rusio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Mikaelo Bronŝtejn el MONATO (www.monato.be).

Lasta adapto de tiu ĉi paĝo: 2019-04-17