MONATO
Por skribi al ni
Serĉi en MONATO

Moderna vivo

ĴURNALISMO

Atesto postamenta

En parko antaŭ la sidejo de la bulgara novaĵagentejo en Sofio estas konstruita dum la somero bronza monumento. La monumento, ĉ. 2,5 m alta, kaj skulptita de Stavri Kalinov, prezentas rulaĵon kun teksto en cirilaj literoj. Skulptita sur la rulaĵo estas plumo.

La malsupra parto de la rulaĵo estas en la formo de radikoj, enirantaj en la postamenton kaj kelkloke elirantaj. Sur la postamento estas tabelo kun la teksto „La vero pri la plumo” kaj indiko, ke la monumento honoras bulgaran ĵurnalismon.

Preterpasas ĉiutage multaj homoj la monumenton, kiu, se ne unika en la mondo, certe maloftas.

Dimitar HAGHIEV

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Dimitar Haghiev el Monato (www.monato.be).
Lasta adapto de tiu ĉi paĝo: 2019-04-17