MONATO
Por skribi al ni
Serĉi en MONATO

Leteroj

Kial pereis la lasta imperio?

La subita kolapso de la ŝajne potencega Sovetio naskis multe da mitoj pri ties kaŭzo. Precipe en Rusio inter naciistoj cirkulas teorio de konspiro, akuzanta Okcidenton pri detruo de tiu lasta imperio. La sama mito kaj diversaj aliaj mitoj cirkulas en la mondo.

Se vi interesiĝas pri la vera kaŭzo, kiu estas pli simpla kaj prozeca, legu la libron de la elstara ruslanda ekonomiisto Jegor Gajdar (cetere, nepo de la fama sovetia verkisto Arkadij Gajdar, kies kelkaj libroj aperis en esperanta traduko) La pereo de la imperio – lecionoj por la nuntempa Rusio. Sed se vi ne scias la rusan lingvon, tralegu almenaŭ la vidpunkton de Kalle Kniivilä 15 jaroj post la pereo de la imperio (MONATO, 2007/2, p. 7-8). La artikolo koncize kaj klare prezentas la enhavon de tiu libro kaj la verajn kaŭzojn de la pereo de tiu koloso sur argilaj kruroj.

Boris KOLKER
Rusio-Usono

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Boris Kolker el Monato (www.monato.be).

Lasta adapto de tiu ĉi paĝo: 2019-04-17