MONATO
Por skribi al ni
Serĉi en MONATO

Leteroj

Seksa mutilado ankaŭ en Eŭropo

Al la rimarkoj de Gerrit Berveling (MONATO 2006/12, p. 22-23) mi povas aldoni, ke seksa mutilado de virinoj okazas ne nur en Afriko, sed ankaŭ ĉe afrikaninoj loĝantaj en Eŭropo. Por averti, defendi, protekti la knabinojn, asocio en Belgio eldonis en la franca kaj en la angla bildstrion Diariatou face à la tradition (Diariatou fronte al la tradicio) kun la helpo de la programo Dafno de la Eŭropa Komisiono. Por kontakti la asocion: GAMS, rue Brialmont 11, 1210 Bruselo; info@gams.be; www.gams.be.

Renée TRIOLLE
Francio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Renée Triolle el Monato (www.monato.be).

Lasta adapto de tiu ĉi paĝo: 2019-04-17