MONATO
Por skribi al ni
Serĉi en MONATO

Moderna vivo

Granda sumo, malgranda aparato

La plej grandan subvencion dum la historio de israela scienco, 1,75 milionoj da eŭroj, ricevis 31-jara kuracisto Hossam Haick pro aparato kapabla laŭ odoro diagnozi pulmkanceron.

La mono, el Eŭropa Unio, ebligos fondi esplorlaboratorion kaj realigi la ideon de Haick krei miniaturan diagnozilon, kiu rekonas je la komenco tumorspecojn. Haick profesoras ĉe la plej prestiĝa israela teknika altlernejo, Teĥnion, en la urbo Hajfo.

AMik

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de AMik el Monato (www.monato.be).

Lasta adapto de tiu ĉi paĝo: 2019-04-17