Ĝeneralaj agordoj
Tio estas dialogujo por agordo de tiparoj kaj ekstera aspekto de la
programo. (Tiuj agordoj konserviĝas en la dosiero
unired.ini).
Premu butonon "Bone" por konservi ŝanĝojn aŭ butonon
"Nuligu" por nuligi ŝanĝojn.
La dialogujo havas jenajn elekteblojn:
Tiparoj
- Tiparo por redaktado
- Tio estas nomo kaj alteco de unikoda fikslarĝa tiparo, uzata
por montri redaktatan tekston.
- Tiparo por fasado
- Tio estas nomo kaj alteco de unikoda tiparo (proporcia aŭ fikslarĝa),
uzata por ĉiuj menuoj kaj butonoj.
- Tiparo por presado
- Tio estas nomo kaj alteco de unikoda tiparo (proporcia aŭ fikslarĝa),
uzata por presado de teksto.
Koloroj
- Koloro de teksto
- Koloro de literoj de ordinara teksto
- Fono de teksto
- Koloro de fono de ordinara teksto
- Emfaza fono
- Koloro de fono de emfazita linio aŭ kolumno
- Koloro de marĝeno
- Koloro de teksto sur marĝeno (indikoj de markoj)
- Fono de marĝeno
- Fona koloro de marĝeno
Sintakso
Maldekstre estas listo de diversaj sintaksaj objektoj, dekstre
estas koloroj de literoj kaj fono de tiuj objektoj kaj ties tiparstiloj.
Aspekto
- Larĝo de marĝeno
- Larĝo de maldekstra marĝeno, uzata por markoj en teksto
- Konservu amplekson kaj pozicion de fenestro
- Se en tiu markujo estas marko, post premo de butono "Bone"
konserviĝos amplekso kaj pozicio de la ĉefa fenestro, ĝia stato
(maksimumigita aŭ normala), stato de subfenestroj (maksimumigitaj
aŭ normalaj) kaj stato de la ilobreto (kaŝita/normala).