Ne-multaj legantoj scias, ke fine de la kalendara jaro, de la 16a ĝis la 18a de decembro 2023 okazis en Tokio memorinda pintkunveno dediĉita al la 50a datreveno de la amikeco inter la Asocio de Sud-Orient-Aziaj Nacioj (ASOAN) 1 kaj Japanio. El diplomatia vidpunkto ĉi tiu multflanka pintkunveno estis escepta, ĉar ĝiaj partoprenantoj unuanime esprimis novan kaj fortan vizion de reciproka sekureca kunlaboro en la Sud-Ĉina Maro. Apartan atenton meritas la kunigo de ĉi tiu pintkunveno kun tiu de la gvidantoj de Azia Nul-Emisia Komunumo (ANEK) 2, kiu okazis la 18an de decembro 2023 en Tokio iniciate de japana ĉefministro Fumio Kiŝida. Jen kelkaj informoj kaj mallongaj konsideroj.
La kunlaboro de Japanio kun ASOAN komenciĝis en 1973, kiam ambaŭ flankoj starigis komunan forumon pri sinteza kaŭĉuko por solvi komercan disputon. Ekde tiam oni konstruis kaj konstruas reciprokajn proksimajn komercajn kaj diplomatiajn rilatojn. La japana diplomataro estas certa, ke ASOAN estas grava geopolitika ludanto ne nur por la stabileco kaj prospero de Japanio, sed ankaŭ por la tuta Orienta Azio.
La cetero de la artikolo estas konsultebla en la sekcio por abonantoj.
|
Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton:
Artikolo de Julius Hauser el MONATO (www.monato.be). Lasta adapto de tiu ĉi paĝo: 2024-02-25 |
| Nova! PDF Kolofono Tarifoj Abonilo Resume |