La klasikaj demandoj

Mi ŝatis la konkludajn demandojn de la artikolo fare de Xavi Alcalde (MONATO 2019/07, p. 12-13): Ĉu eblas apartigi la homon de ties kreaĵoj? Kiel ni rilatu al la malhela dimensio de artisto?

Jam Puŝkin starigis similan demandon: „Ĉu povas kunesti genieco kaj malbonfarado?”

Senrilate al la personeco de Michael Jackson (nek geniulo, nek impresa muzikisto laŭ mi), eĉ por veraj geniuloj en arto, ve, oni ofte devas apartigi ilian personecon disde la kreaĵoj, kaj prefere „forgesi” aŭ ne scii pri malhelaj dimensioj de artistoj (kaj eĉ pri la teksto de kantoj!) Ekzemple ekzistis multaj sovetiaj kantoj bonegaj muzike, sed kies tekston preferindas ne scii kaj ne kompari kun la realo. Kantoj de Beatles plejparte estas geniaj muzike, sed iam mi preferas ignori iliajn tekstojn (ekzemple en Imagu) kaj ne scii kelkajn detalojn pri la aŭtoroj. Kaj ne scii kelkajn detalojn pri la aŭtoro de la geniaj porinfanaj baletoj Cigna lagoNuksorompulo absolute necesas!

Estas Dio, kiu inspiras genian arton, kaj inter la artoj muziko estas ĝuste tia arto, kiu ebligas plene apartigi la Originan Aŭtoron disde pekaj „perantoj”.

Alexander GOFEN
Usono

Tiu ĉi teksto aperis en la presita kaj en la PDF-forma versioj de Monato en la jarkolekto 2019, numero 10, p. 5.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Alexander Gofen el MONATO (www.monato.be).

Lasta adapto de tiu ĉi paĝo: 2020-07-07