Iama slovaka ministro pri transporto, konstruado kaj regiona evoluigo estas nomumita de Eŭropa Unio speciala sendito pri religiaj liberecoj.
Ján Figeľ, iama EU-komisionano de Slovakio (respondeca pri instruado, edukado kaj kulturo inter 2004 kaj 2009), estas ankaŭ eksa prezidanto de la slovaka opozicia partio KDH (Kristandemokrata movado).
Figeľ, 56-jaraĝa, komencis sian politikan karieron en la tiama Ĉeĥoslovakio. Lia nova posteno estas politike tikla, ĉxar li kontrolos la plenumadon de libereco en religie problemaj teritorioj, kiel okcidenta Azio kaj meza Afriko.
|
Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton:
Artikolo de Julius Hauser el MONATO (www.monato.be). Lasta adapto de tiu ĉi paĝo: 2020-07-07 |