Ne tiel eksterordinara

Leginte en la aŭgusta-septembra numero, paĝo 23, artikolon pri trovita piedsigno de dinosaŭro, mi ne certas, ĉu mi bone komprenas la frazon „... la fosiliaĵo estas tute eksterordinara”. La pasintan februaron mi vizitis la hispanan regionon La Rioja kaj mem tuŝis kelkajn el pluraj centoj da tiaj piedsignoj de dinosaŭroj de diversaj specioj, perfekte videblaj en la roka surfaco. Pli da informoj pri tiu allogaĵo troveblas (ankaŭ en la germana lingvo) en www.lariojaturismo.com/dinosaurios/index.php.

Manolo PARRA
Hispanio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Manolo Parra el MONATO (www.monato.be).

Lasta adapto de tiu ĉi paĝo: 2020-07-07