Priviza vizito

Antaŭ nelonge la albana ministro pri eksteraj aferoj, Ilir Meta, cetere vic-ĉefministro, vizitis la serban ĉefurbon Beogrado. Tie li diskutis kontaktojn inter Albanio kaj Serbio surkampe de ekonomio, transporto, sekureco, turismo kaj minoritatoj.

Ministro Meta invitis serbojn viziti senvize Albanion (kio eblas jam de pluraj jaroj), kaj petis la serban prezidanton samon permesi por albanoj dezirantaj viziti Serbion.

Minoritato

Tiam la ministro vizitis la valon de Preŝevo, sude en Serbio kaj najbare al Kosovo kaj Makedonio, kie loĝas albana minoritato.

Nuntempe Serbio kaj Albanio ĝuas normalajn politikajn kaj ekonomiajn rilatojn. Tio kontribuas al paca disvolviĝo kaj stabileco en la regiono.

Bardhyl SELIMI

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el MONATO (www.monato.be).

Lasta adapto de tiu ĉi paĝo: 2020-07-07