Denove ŝokis min vica raporto pri Albanio (MONATO 2010/2, p. 8). Sub la titolo „Parlamento preskaŭ unupartia”, ankaŭ frontpaĝa, la aŭtoro klarigas, ke la plej reprezentita partio atingis precize la duonon de la parlamentaj seĝoj. El tio plej verŝajne sekvas, ke preskaŭ unupartiaj parlamentoj en la mondo estas, inter aliaj, la usona, la brita kaj la franca, kaj entute, ke la (preskaŭ) unupartiaj landoj en la mondo timinde estas multe pli oftaj, ol ni kredis. Feliĉe en Albanio venkis demokratoj, pro kio ni ĝojas, ke nedemokratoj fariĝis neglektindaj. Ĉu plene neglektindaj? Tamen ne: bedaŭrinde demokratoj bezonis unu nedemokratan voĉon por starigi registaron. Zorginde!
|
Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton:
Artikolo de Hektor Alos i Font el MONATO (www.monato.be). Lasta adapto de tiu ĉi paĝo: 2020-07-07 |