Internacian premion pri beletro gajnis la albana verkisto Ismail Kadare. La 73-jaraĝulo ricevis la premion „Princo de Asturio 2009” dum ceremonio en Hispanio. Pri la verkaro de la premiito notis la ĵurio: „Kadare rakontas per ĉiutaga lingvaĵo, sed plene de lirikismo, la tragedion de sia tero.” Kadare sukcesis gajni la premion inter pli ol 30 kandidatoj el diversaj landoj.
|
Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton:
Artikolo de Bardhyl Selimi el MONATO (www.monato.be). Lasta adapto de tiu ĉi paĝo: 2020-07-07 |