Ĝis la 8a de novembro 2003 ankoraŭ vivis la plej maljuna albano, 124-jara s-ino Hava Rexha [redĵa] Ruda. S-ino Ruda vivis en la vilaĝo Shushice [ŝuŝice] de la distrikto Elbasan en meza Albanio. Ŝi naskiĝis la 14an de aŭgusto 1880 en Shushice.
S-ino Ruda edziniĝis dufoje kaj naskis 10 infanojn, el kiuj pluvivis ses. Ankoraŭ vivas nur unu el ŝiaj gefiloj, ino 90-jara. El ĉirkaŭ 120 genepoj jam mortis multaj. Ĝis kvar tagoj antaŭ la morto s-ino Ruda manĝis kaj trinkis normale: ŝi plenumis memstare siajn bezonojn ĝis antaŭ unu jaro. Neniam ŝi fumis aŭ drinkis.
En 2002 la vilaĝo donis al s-ino Ruda pension ekvivalentan al 15 eŭroj kaj la Nacia Komerca Banko de Albanio monatan pension de ĉirkaŭ 100 eŭroj. En januaro 2003 oni anoncis s-inon Ruda kandidato por la rekordo-libro de Guinness [ginis], tamen ŝiaj nomo kaj aĝo ankoraŭ ne estas publikigitaj.
| Indekso |
| Aboni al MONATO |
| Flandra Esperanto-Ligo (FEL) |
| Lasta adapto de tiu ĉi paĝo: junio 2019 |