Li atendas, ke la tuta energikonsumo en la sekva jardeko pliiĝos je averaĝe 2 elcentoj, t.e. malpli rapide ol en la 90aj jaroj. Unuflanke la postulado en Azio ne tiel rapide kreskos, aliflanke la pli alta energiefikeco bremsos la kreskon. En la pasinta jaro tutmonde la energikonsumo falis je 0,1 procento al preskaŭ 8,5 miliardoj da tunoj da naftoekvivalento. Grupo de 24 evoluintaj ŝtatoj bezonas preskaŭ 60 elcentojn de la monda energio.
Kiel aparte rimarkindan fenomenon la ĉefekonomikisto de BP Amoco emfazis la misharmonion inter ekonomia disvolviĝo kaj energikonsumo en Ĉinio. Dum la ĝenerala postulado reduktiĝis je 3,2 elcentoj (la karbobezono eĉ je pli ol 5 elcentoj), la ekonomio notis ja plimultiĝon de la produktado je 8 procentoj. Kiel kaŭzojn por tiu evoluo McCafferty indikis la transiron de energi-intensa peza industrio al aliaj industrioj kun malpli da energikonsumo kaj servoj, samkiel ankaŭ la pliiĝantan grado de energia efikeco. Ankaŭ en la elektroproduktado la lando transpasas al instalaĵoj kun pli alta efikeco (atom- kaj hidroelektrejoj). Tiu tendenco plifortiĝos en la sekvaj jaroj.
Samtempe reduktiĝis la prezoj de nafto, purigite de la inflacio, al la plej malalta nivelo ekde 25 jaroj. Ĉefa kaŭzo estas tro granda proponado tutmonde. Dum la naftoproduktado en 1998 pliiĝis je 1 miliono da bareloj tage, pligrandiĝis la monda postulado nur je 50 000 bareloj tage. En 1997 la naftoproduktado estis je 2,2 milionoj da bareloj pli granda, dum la konsumo nur je 1,8 milionoj da bareloj plimultiĝis. Tiu troa proponado restos dum mezlonga tempo.
Indeksoj |
Aboni |
Flandra Esperanto-Ligo (FEL) |
Lasta adapto de tiu ĉi paĝo: julio 2019 |